Nova Ecclesiae Sanctae Mariae dedicatae aedificatio
Ineunte saeculo undevicesimo pauci tantum catholici Hamburgi vixerunt. Machinalis industria dum inducitur, portus dum extenditur, numerus eorum crevit, praesertim in paroecia Sancti Georgii, ubi religiosae orphanotrophium condiderunt.
Utraque turris sexaginta quattuor metrorum altitudine satis alta erat, ut procul conspici posset. Domibus ante Ecclesiam constructis altero bello omnium gentium dirutis tum effectum est, ut ecclesiae area construi posset.
Anno millesimo octingentesimo octogesimo nono architectus Paderbornensis, Arnoldus Güldenpfennig nomine, mandatus est, ut ecclesiam aedificaret. Bernardus Höting, qui illo tempore erat episcopus Osnabrugensis, ecclesiam optavit "genere romanico insignem, quo tranquilitas et aequabilitas efficiuntur". Die duodetricesimo mensis Iunii anni millesimi octingentesimi nonagesimi tertii ecclesia, cui nomen Sanctae Mariae est, genere innovatae romanicae insignis constructa dedicata est.
Haec ecclesia est prima nova ecclesiae aedificatio ab tempore protestantium Reformationis Hamburgi constructa, quae signum est renovatae conscientiae catholicorum, qui in regionibus vivunt, ubi dispersi sunt et pauci numero.
